Related Posts
Category : Gujarat
વડોદરાના 30થી વધારે કોર્પોરેટરો જનતાના નાણાંથી કરશે જલસા, સિક્કિમમાં બે દિવસની લેશે તાલીમ
વડોદરા મહાનગરપાલિકાની મહિલા કોર્પોરેટરો 2023માં સિક્કિમના પ્રવાસે ગઈ હતી તે સમયે 20 લાખનો ખર્ચ થયો હતો અને રિઝનલ સેન્ટર ફોર અર્બન એન્ડ એન્વાયરમેન્ટલ સ્ટડી ફોર ઓલ ઇન્ડિયા ઇન્સ્ટિટયૂટ દ્વારા યોજાતા સેમિનારમાં ભાગ લીધો હતો. ત્યારબાદ હવે ફરીવાર વડોદરા કોર્પોરેશનના 30થી વધારે પુરુષ કોર્પોરેટરો પ્રવાસે જવાના છે. જેની પાછળ 40 લાખ જેટલો ખર્ચ થવાનો છે. ત્યારે આ પ્રવાસને લઈને વડોદરાના નાગરિકો સવાલ ઉઠાવી રહ્યા છે. મહિલા કોર્પોરેટરો તાલીમ લઈ આવ્યા પછી વડોદરા શહેરને કંઈ જ નવું આપ્યું નથી. ત્યારે હવે પુરુષ કોર્પોરેટરો આ તાલીમમાં જઈને માત્ર જલસા કરવા જતા હોય તેવું લોકો કહી રહ્યા છે.
વડોદરાની લોકલ સેલ્ફ ગવર્મેન્ટ સંસ્થા દ્વારા આ સેમિનારનું આયોજન થાય છે. બે દિવસનો સેમીનાર છે અને 7 દિવસના પ્રવાસનું આયોજન કરવામાં આવ્યું છે, જેનો ખર્ચ 40 લાખ રૂપિયા જેવો થવાનો છે અને પાંચ દિવસ આ કોર્પોરેટરો સિક્કિમના વિવિધ સ્થળોએ ફરવા જવાના છે. આ સ્થિતિમાં વડોદરા શહેરને શું મળશે તે મોટો સવાલ છે.
વિપક્ષે ઉઠાવ્યા પ્રશ્નો
જો કે, ગઈકાલે સ્ટેન્ડિંગ કમિટીમાં ખર્ચની દરખાસ્ત મંજૂર કરવામાં આવી છે. ત્યારે વિપક્ષે સવાલ ઉઠાવ્યા છે કે, અત્યાર સુધી જે કોર્પોરેટરો તાલીમ લઈને આવ્યા તેમણે વડોદરા શહેરને શું આપ્યું? વડોદરા શહેર મહારાજા સયાજીરાવ ગાયકવાડ વખતથી અન્ય લોકો અહીંની વ્યવસ્થાનો અભ્યાસ કરવા આવે તેવી સુવિધા વાળું હતું ત્યારે હવે વડોદરાના કોર્પોરેટરોએ અન્ય જગ્યાએ જવું પડે તે એક આશ્ચર્યની વાત છે. તેમ છતાં જો આ પ્રવાસથી શહેરનું ભલું થતું હોય તો વિપક્ષને આ પ્રવાસનો કોઈ જ વાંધો ન હોય.
2023માં કોર્પોરેટરોએ લીધેલી તામિલનો શહેરને કોઈ ફાયદો થયો નથી
નાગરિકોના ટેક્સના પૈસાથી ફરવા જતા કોર્પોરેટરોની તાલીમ બાબતે જ્યારે અમે તપાસ કરી તો 2023માં સિક્કિમના પ્રવાસે જઈ આવેલી મહિલા કોર્પોરેટરો કંઈ પણ કહેવાનો ઇનકાર કરી રહી છે. જ્યારે આ કોર્પોરેટરોની આગેવાની લેનાર પૂર્વ ડેપ્યુટી મેયર નંદાબેન જોશી પણ આ મામલે કંઈ પણ કહેવાનો ઇનકાર કરી રહ્યા છે. મતલબ કે, 2023માં મહિલા કોર્પોરેટરોએ સોલિડ વેસ્ટ મેનેજમેન્ટ અને એનર્જી સેવિંગની તાલીમમાં કંઈ જ મેળવ્યું નહીં અને વડોદરા શહેરને એનો કંઈ ફાયદો થયો નથી
કોર્પોરેટરોને 40 લાખના ખર્ચે સિક્કિમમાં લેશે તાલીમ
મહિલા કોર્પોરેટરોએ 20 લાખનો ખર્ચ કર્યો હતો. તેમ છતાં શહેરને કંઈના મળ્યું. એકવાર કોર્પોરેશનની ડેલીગેશન સ્વચ્છતાના અભ્યાસ માટે ઇન્દોર પણ જઈ આવ્યું છે. ફરીવાર વડોદરા કોર્પોરેશનના શાસકો ભાજપના કોર્પોરેટરોને 40 લાખનો ખર્ચ કરી અને આ તાલીમમાં મૂકી રહ્યા છે. જો કે, અહીં તાલીમ કરતા એન્જોય કરવાનું મહત્વ વધારે છે અને એના કારણે જ આ તાલીમ ગોઠવવામાં આવી રહી છે ત્યારે શું ચૂંટાયેલા પ્રતિનિધિઓએ નાગરિકોના ટેક્સના નાણાંનો આવી રીતે દુરુપયોગ કરવો વ્યાજબી છે? તે એક મોટો સવાલ નાગરિકો પૂછી રહ્યા છે.
Load more
